Di Bileez Kween a Brokdong mi wayk op ded Febiweri 19, 2017. Leela gaahn lang foa yaaz now (4 yaaz now). LEELA VERNON, di laydi hoo mek aal a Bileez noa seh dat Kriol ga kolcha, gaahn lef wi. Bot ih myoozik ahn fi shee legasi kantinyu fi liv aan! Wi kantinyu fi sen nof nof lov ahn nof nof rispek tu Leela faamli. Wi tank Leela soh moch fi mek aal a wi prowd prowd a wi Kriol kolcha, hischri, ahn langwij. Gaad bless. Ah waahn noa hoo seh Kriol noh ga no kolcha!
Dis Febiweri 19, 2021, mek 4 yaaz now sins Leela wayk op ded.
Gaad bles.
Silvaana Udz, Ed.D da fahn Bileez. If yu waahn tel shee bowt sohnting speshal fu put eena dis Kriol aatikl, eemayl: sudz142@gmail.com
Vizit: www.nationalkriolcouncil.org